Sunday, 19 February 2012

गौरी कोना कऽ रहती हे

गौरी कोना क रहती हे







छोटे-मोटे टूटल मड़इया मे गौरी कोना क रहती हे ?? .....

                         गौरी हमर,
                         छथि बड़ सहलोला ।
                         कोना कऽ,
                         पिसती भाँगक गोला ।

हाथो मे पड़तनि लोढ़ीक ठेला, कोना क सहती हे ?? ......

                                             शिवजी कें धुर दुइ,
                                                       भांगेक बाड़ी ।
                                               बीतो करथि नहि
                                                   खेती - पथारी ।

धीया-पूता केर पेटक बखारी, कोना क भरती हे ?? .......

                          अपने महादेव,
                           भेला मसानी ।
                    बसहा केँ के देत,
                        गूड़ा आ सानी ।

भूत - परेतक डऽरेँ भवानी,  दूरे पड़ेती हे ।। .......

                                      कहथि अनिल
                             सुनु-सुनु हे मनाइनि ।
                                       धीया अहाँ केर
                                   छथि जगतारणि ।

जनिक संगमे त्रिभुवनदानी, तनिका कथीक दुःख हे ??
छोटे-मोटे टूटल मडइयो मे गौरी सभ सुख पओती हे ।। ......






ई गीत “तोरा अङना मे” गीत संग्रह केर अन्तिम गीत छल, जे कि सम्पुर्ण मिथिला मे लोकगीतक रूप मे प्रशिद्ध भेल आ एखनहु गाओल जाइत अछि ।



( १९७८ मे प्रकाशित गीत संग्रह 'तोरा अँगना मे' केर गीत क्र. ३० )
संगहि “गीतक फुलवारी” मे सेहो प्रकाशित ।



No comments:

Post a Comment